瑞幸咖啡造假已成定局，一如既往管理層死口話唔知情，不過美國班投資者好唔順氣，佢哋話瑞幸上市時管理層承諾嘅嘢完全唔對現，講一套做一套令佢哋蒙損失。我覺得佢哋都唔化嘅，商業社會係咁的啦，唔通富途話一世免佣，就真係免佣咩，咪一樣收你平台費，口號嚟啫。唔好講一世咁耐，就當應承你五十年不變，唔通唔可以反口收返你佣呀，好心班美國佬咪咁天真啦😅
可能美國投資者Level較低，換轉香港投資者肯定見慣不怪唔當一回事。最初國安法IPO時，政府sell係高檔嘢，只有極少情況先會犯法，個個以為物以罕為貴，情緒炒到高一高，點知一上市成個勢唔同晒，原來國安法普通過普通法，唱吓歌會中，排吓隊又中， 日日都講講到cheap晒，仲點值錢呀？話時話今次要讚政府呢個保薦人做得好出色，成功將啲cheap嘢包裝成高級嘢出售，中金真係要學吓嘢，醒啲就唔使揹瑞幸呢隻鑊啦🖕
相信政府相信黨，我唔怕💪
Search